29 shtator 2016 – Grupi për Ballkan organizoi një tryezë të rrumbullakët me shoqërinë civile, aktivistët e mediave, anëtarë të partive politike dhe të komunitetit në Preshevë. Qëllimi i kësaj punëtorie ishte diskutimi i integrimit të komunitetit shqiptar në institucione publike, të drejtat dhe sfidat e tyre që ndikojnë në ta në fushën e sigurisë, kujdesit shëndetësor, arsimit, punësimit, zhvillimit social dhe ekonomik etj. Aktiviteti është pjesë e projektit që Grupi për Ballkan është duke zbatuar në Luginën e Preshevës. Projekti hulumtues synon ta përcaktojë gjendjen e të drejtave të komuniteteve për pakicën shqiptare në jug të Serbisë.
